«Білім беру ұйымдарындағы кәсіптік бағдар жұмысы» курсы

«Білім беру ұйымдарындағы кәсіптік бағдар жұмысы» курсы педагогтарды кәсіби кәсіптік бағдар қызметіне жүйелі түрде дайындауға бағытталған кешенді біліктілікті арттыру бағдарламасы болып табылады. Бағдарламада Қазақстанның кәсіптік бағдар саласындағы мемлекеттік саясаты, еңбек нарығының талдауы, жасөспірім психологиясы, жас кезеңдері, оқушылардың қызығушылығы мен бейімділігін анықтау әдістері, сондай-ақ мектептегі карьерлік кеңес беру технологиялары қамтылған. Курс Голланд, Климов, DISC, психогеометрия, өмірлік құндылықтардың морфологиялық тесті секілді диагностикалық құралдарды қолдануды үйретеді, сондай-ақ оқушының жеке даму маршрутын құруға, бастапқы психологиялық-педагогикалық кеңес картасын толтыруға және кәсіби әңгіме жүргізу әдістемесіне бағыттайды. Бағдарламаның маңызды бөлігі — Қазақстан экономикасының тоғыз басым саласымен және Жаңа мамандықтар атласымен танысу, бұл педагогқа еңбек нарығындағы өзгерістерді дұрыс түсініп, оқушыларды болашаққа бейімдеуге мүмкіндік береді. Курс аяқталғаннан кейін тыңдаушы мектептегі кәсіптік бағдар жұмыстарын жүйелі ұйымдастырудың толық моделін меңгереді: диагностика жүргізу, оқушыны жеке дамытуы бойынша сүйемелдеу, ата-анамен жұмыс, сынып сағаттарын жоспарлау, кәсіби ойындар мен жобалық іс-әрекеттерді өткізу. Бұл бағдарлама — заманауи әдістерді меңгерген, оқушылардың саналы кәсіби таңдауына ықпал ете алатын кәсіби профориентаторды қалыптастыруға арналған берік негіз.